Buyuk Britaniyada koronavirusga chalingani sabab yetti oy kasalxonada yotgan erkak sog‘aydi. Shifokorlar uch marotaba uning hayotni ta’minlovchi tizimlardan uzib qo‘yishga uringan, deb yozadi The Mirror.
57 yoshli Ali Sakalliog‘li 222 kun davomida kasalxonada davolangan va shifokorlar uning besh nafar farzandiga uch marotaba otasi bilan xayrlashishni maslahat bergan. Biroq ular otasining o‘lishiga yo‘l qo‘ymay, shifokorlardan uning hayotini saqlab qolish maqsadida oxirgi ilinj sifatida koyka-o‘ringa qorni bilan yotqizishlarini so‘ragan. “Faqatgina umidimiz bor edi va u taslim bo‘lmasligini bilardik”, — deydi bemorning o‘g‘li.
Ali o‘tgan oy uyiga qaytgan va otaning qaytishi oilasining barcha a’zosi uchun eng ajoyib sovg‘aga aylangan. Erkak Rojdestvo bayramini o‘g‘li va 52 yoshli suyuklisi Shina bilan nishonlash niyatida. Shuningdek, u taksichi sifatida ishini davom ettirish uchun vaksina olish niyatida.
Avvalroq AQShda bemor ikki oylik komadan keyin COVID-19’dan sog‘aygani to‘g‘risida xabar berilgandi.
Izoh (0)