Evleaks ники остида танилган машҳур инсайдер Эван Бласс янги барча учта Samsung флагманлари — Galaxy S21, S21+ ва S21 Ultra’нинг расмий рендери сериясини тақдим этди, деб хабар беради Hi-Tech.Mail.ru.
Galaxy S21 линейкасининг дизайни кўп жиҳатдан ўзидан олдинги Galaxy S20 моделини такрорлайди. Фақат Samsung ўзининг янги смартфонлари учун камералар модулини ноодатий жойлаштирган бўлиб, у ён корпусга силлиқ ёпишиб кетади. Шу билан бирга, у сезиларли даражада корпусдан бўртиб туради.
Galaxy S21, S21+ ва S21 Ultra моделлари бир-бирдан фақат ўлчамлари, корпуслар ранги ва камералар сони билан фарқ қилади. Уларнинг деярли барчаси ингичка ҳошия ва дисплей марказидаги фронтал камерага эга.
Galaxy S21 линейкасининг тақдимоти одатдагидан эртароқ — январь ойида бўлиб ўтади. Ҳозирча янги моделлар нархи ҳақида маълумот йўқ.
Аввалроқ Samsung Galaxy S21+ биринчи бор «жонли» ҳолатда iPhone 12 Prо Мах билан таққослангани тўғрисида хабар берилганди.
Изоҳ (0)