Тери саратонининг энг кенг тарқалган аломати бу шакли ҳамда рангини ўзгартирган холлардир. Аммо бу хавфли касалликнинг бошқа белгилари ҳам бор. Улар оддий тери муаммолари сифатида ҳам яширинган бўлиши мумкин. Касалликни ўз вақтида пайқаб олиш учун қуйидаги аломатлар билан танишиб чиқиш тавсия этилади.
Йўқолмайдиган ҳуснбузарлар
Узоқ вақт давомида йўқолмайдиган, айниқса, қонашни бошлайдиган ҳуснбузарлар — шошилинч равишда шифокорга мурожаат қилиш учун сабабдир. Мутахассисларнинг таъкидлашича, бу белги ҳам тери саратонининг энг кенг тарқалган шакли — базал ҳужайрали карсинома намоёни бўлиши мумкин.
Терининг мунтазам шўралаши
Куз ва қиш мавсумида тери юзасида кўпроқ шўралаш ва кўчиш ҳолатлари юз беради. Бунда терини юмшатиш, ҳимоя қилиш ва намлик мувозанатини тиклаш учун махсус воситалардан фойдаланиш зарур. Аммо тери кўчиши маълум бир ҳудудда қайта-қайта кузатилса ва узоқ вақтгача йўқ бўлиб кетмаса, иложи борича тезроқ шифокор билан маслаҳатлашиш керак. Сабаби бу ультрабинафша нурлари келтириб чиқарадиган тери саратони касаллигининг илк белгилари бўлиши мумкин.
Тирноқда қизил чизиқларнинг пайдо бўлиши
Кўпгина ҳолларда бир ёки бир неча тирноқларда қизил чизиқ пайдо бўлиши мумкин. Кальций етишмовчилиги туфайли юзага келувчи бу жараён тирноқ пластинкасининг ингичкалашиб бораётганлигидан огоҳлантиради. Бундай вақтда дерматолог билан маслаҳатлашиш зарур. Чунки баъзида тирноқлардаги қизил чизиқ псориаз ёки танада пайдо бўлган янги ўсимта аломати бўлиши ҳам мумкин.
Сепкил ва доғлар
Баҳор ва ёз ойлари сепкилларнинг кўпайиш мавсуми ҳисобланади. Доғлар эса ёшга боғлиқ ҳолда ранги бир оз қорайиб ҳам қолиши мумкин. Аммо танадаги ҳар бир янги доғни кузатиб бориш керак ва иложи борича ўзгаришлар ҳақида шифокорга маълумот бериш зарур. Агар уларнинг катталлиги, кенглиги ва ранги ўзгарса, тери юзасидан бўртиб чиқса, бу, албатта, хавфли касаллик аломати бўлиши мумкин.
Лабларнинг ёрилиши
Ҳар қандай мавсумда лабларни намлантирувчи махсус бальзамлардан фойдаланиш керак. Лабларнинг қуриб қолиши нафақат ёқимсиз, балки хавфли ҳамдир. Об-ҳаводан қатъи назар лаблар қуриб қолса ва ёрилиб кетса, дерматолог-онколог билан боғланиш зарур. Сабаби бундай вақтда лаб терисида меланома ривожланиб бориши мумкин.
Изоҳ (0)