Ko‘krak bezi saratoniga chalingan ayollarning aksariyati ko‘krak sohasida shish paydo bo‘lgandagina shifokorga murojaat qiladi. Ammo Buyuk Britaniya milliy saraton instituti vakillarining fikriga ko‘ra, ko‘krak bezining har oltinchi holati ilgari aniqlanishi mumkin, buning uchun ayollar kasallikning boshqa alomatlariga ham e’tiborli bo‘lishi kerak. Onkologlar ta’kidlaganidek, o‘zgarishlarga aloqador bo‘lmagan kasallikning kamida 4 ta alomati mavjud. Bu, albatta, ko‘krakni muntazam ravishda tekishirib turishning hojati yo‘q degani emas, 83 foiz hollarda mustaqil ko‘rikdan o‘tish kasallikni erta bosqichida aniqlashga yordam beradi. Shuningdek, boshqa alomatlarni bilish va ularga e’tiborli bo‘lish erta tashxis qo‘yish imkoniyatini oshiradi va davolanishda samaraga erishiladi.
Teri tuzilishidagi o‘zgarishlar
Terining qattiq tuzilishi, ba’zi joylarda teri ko‘chishi yoki qalinlashishi kasallikdan darak bo‘lishi mumkin. Haqiqat shundaki, ba’zi o‘smalar sut bezlari kanallarini to‘sib qo‘yadi, shuning uchun ham terida o‘zgarishlar kuzatiladi va u apelsin rangiga kira boshlaydi.
Shish
Ba’zan shishlar paypaslash orqali aniqlanadigan chuqurlikda joylashgan bo‘lishi mumkin. Ammo deyarli har doim u ko‘krak hajmini va shaklini o‘zgartiradi va hattoki og‘riq ham keltirib chiqaradi. Agar ko‘krak hajmi o‘zgarishi yoki assimetriyaning ortishi kuzatilsa, shifokorga murojaat qilish kerak.
Ko‘krakning uch qismida o‘zgarish
Ba’zi ko‘krak bezi saratoni o‘smasi inversiya deb ataladi. Odatda bu ko‘krak ichida o‘sib, so‘rg‘ich shaklini o‘zgartirib boradi. So‘nggi paytlarda o‘tkazilgan tadqiqotlar ko‘krak bezi saratonining taxminan 7 foizi ko‘krak uchining o‘zgarishi bilan namoyon bo‘ladi.
Ko‘krakda ajralmalar paydo bo‘lishi
Kasallikning yana bir belgisi ko‘krak suti bo‘lamaganda ham unda ajralmalarning paydo bo‘lishi bilan bog‘liq. Agar ajralmalar, shuningdek, qon aralash yoki bir tomon ko‘krakda kuzatilsa ham darhol shifokor ko‘rigidan o‘tish zarur. Mavzuga doir:
