Yevropa Ittifoqida 27-dekabrdan koronavirusga qarshi emlash boshlanadi

Yevropa Ittifoqida koronavirusga qarshi vaksinatsiya 27–29-dekabr kunlari boshlanadi. Bu haqda Yevropa komissiyasi prezidenti Ursula fon der Lyayenga tayanib, “Interfaks” xabar qilmoqda.

“Bu Yevropa uchun muhim lahza. 27-, 28- va 29-dekabrda Yevropa Ittifoqi bo‘ylab vaksinatsiya boshlanadi. Biz fuqarolarimizni birgalikda himoya qilamiz”, – deb yozdi u Twitter’dagi sahifasida.

It's Europe's moment.

On 27, 28 and 29 December vaccination will start across the EU.

We protect our citizens together. We are #StrongerTogether#EUvaccinationdays pic.twitter.com/6VxDumysBL

— Ursula von der Leyen (@vonderleyen) December 17, 2020

Eslatib o‘tamiz, AQShda 14-dekabr kuni koronavirusga qarshi emlash boshlandi. Kasalliklar nazorati va profilaktikasi markazlari (CDC) ma’lumotlariga ko‘ra, 2020-yil oxirigacha Amerika hukumati 40 million kishini emlashni rejalashtirmoqda.

2-dekabr kuni Buyuk Britaniya dunyoda birinchi bo‘lib Pfizer’ning koronavirusga qarshi vaksinasidan foydalanishni ma’qullagan edi. Shundan keyin Britaniya dunyoda birinchi bo‘lib koronavirusga qarshi vaksinatsiyani boshlashi xabar berildi. 4-dekabr kuni esa Bahrayn ham Pfizer vaksinasidan foydalanishni ma’qulladi. Shuningdek, Pfizer va BioNTech vaksinasi AQShda hamda Meksikada ham ma’qullandi.

Rossiyada esa COVID-19’ga qarshi emlash 16-dekabr kunidan boshlandi.