Ўзбекистонда 2020 йилда ўтган йилга нисбатан кўмир, газ, электр энергияси таъминоти бўйича Халқ қабулхоналарига мурожаатлар кескин ошган. Бу ҳақда айни пайтда Ўзбекистон Президенти раислигида ўтказилаётган қиш мавсумига тайёргарликда йўл қўйилган камчиликларни ҳал этиш ҳамда озиқ-овқат хавфсизлигини таъминлаш бўйича аниқ вазифаларни белгилаб олишга бағишланган йиғилишда таъкидлаб ўтилди, дея хабар бермоқда «Дарё» мухбири.
«Жорий йил об-ҳавонинг аввалги йилларга нисбатан эрта ва кескин пасайгани тармоқлар ва ҳудудларнинг қиш мавсумига қай даражада тайёрлигини яққол кўрсатиб берди. Шу билан бирга электр, табиий ва суюлтирилган газ ҳамда иссиқлик таъминотида тез-тез узилишлар аҳолининг ҳақли эътирозларига сабаб бўлмоқда.
Худди шундай, бензин нархининг ошгани ҳам аҳоли ўртасида жиддий муҳокамаларни келтириб чиқармоқда. Жойлардаги раҳбарларнинг ишлари натижадорлигига ижтимоий тармоқларда аҳолимиз холис баҳо бермоқда», – деди Шавкат Мирзиёев.
Аввалроқ Шавкат Мирзиёев Хоразм қишлоқ хўжалигини танқид қилганди.
Изоҳ (0)