eBay аукциони орқали 1954 йилда ишлаб чиқарилган ўқув машғулотлари учун мўлжалланган Plymouth Belvedere сотувга қўйилди. Иккита руль ва қўшимча тепкилар билан жиҳозланган автомобилни 13 минг доллар эвазига харид қилиш мумкин, деб хабар беради Motor.
Сотувга қўйилган Plymouth Belvedere бой тарихга эга. Американинг машҳур седанига иккита руль чамбараги ва қўшимча тепкилар ўрнатилган бўлиб, ундан ўтган асрнинг ўрталарида ўқув машинаси сифатида фойдаланилган. Автомактабнинг қанча ўқувчиси ушбу автомобилни ҳайдаб кўргани номаълум, бироқ у ҳозирга қадар 18 минг километр йўл босган.
Ёшига қараганда Belvedere яхши аҳволда сақланган. Капотининг айрим зоналари ҳисобга олинмаганда автомобиль кузовида занглаш ўчоқлари йўқ, оқ чарм билан қопланган салони эса янгидек. Бундан ташқари, эшикнинг ички қисмида ХХ асрга тегишли кўплаб «наклейка»лар сақланиб қолган.
Plymouth Belvedere капоти остидан 110 от кучига эга 3,7 литрли V6 бензин двигатели ўрин олган. Агрегат механик узатмалар қутиси ёрдамида бошқарилади. Сотувчининг сўзларига кўра, автомобилнинг барча агрегатлари соз ҳолатда. Фақатгина 56 йиллик Plymouth’нинг тормоз тизимини текшириш керак холос.
Аввалроқ АҚШ махсус хизматига тегишли бўлган Plymouth аукционга қўйилгани тўғрисида хабар берилганди.
Изоҳ (0)