Nyu-Yorkda bir-biriga payvandlangan ikkita old qismdan iborat yashil Plymouth Voyager miniveni sotuvga qo‘yildi. Avtomobil ikkita dvigatelga ega bo‘lib, uning yordamida mashina istalgan yo‘nalishi bo‘ylab harakatlana oladi, deb xabar beradi Motor.

Foto: The Drive

Miniven 1986-yilda ishlab chiqarilgan Plymouth Voyager’ning ikkita old qismidan iborat bo‘lib, bir-birga qo‘shimcha ingichka eshik orali birlashtirilgan. Modifikatsiyaga uchragan avtomobilga ikkita dvigatel, bir juft transmissiya, shuningdek, yoqilg‘i baki va yagona gaz chiqarish tizimi o‘rnatilgan. Bundan tashqari, Plymouth bitta o‘t oldirish tizimiga ega, shu sababli dvigatellardan biri ishga tushsa, ikkinchisi ham yonadi.

Foto: The Drive

Sotuvchining so‘zlariga ko‘ra, miniven ikkala tomonga ham harakatlana oladi, shu bilan birga, mashinaning burilishiga hojat yo‘q. Bu kabi avtomobilni umumiy foydalanishdagi yo‘llarda haydab bo‘lmaydi. Noodatiy minivendan reklama avtomobili yoki shou-kar sifatida foydalanilgan.

Foto: The Drive

Mashinaning hozirgi egasi noodatiy Plymouth Voyager’ni 6,5 ming dollarga sotishga tayyor.

Eslatib o‘tamiz, shu yilning may oyida Mecum auksioni orqali 1981-yilgi Dodge Colt va 1981-yilgi Plymouth Champ kombinatsiyasini o‘zida mujassamlashtirgan ikki boshli avtomobil sotuvga qo‘yilgan edi.