Futbol bo‘yicha Angliya Premyer Ligasining 13-turida “Chelsi” 15-dekabr, seshanba kuni “Vulverhempton” mehmoni bo‘ldi.
Uchrashuvning birinchi bo‘limi teng kurashlar ostida o‘tdi, tanaffusga qadar hisob o‘zgarmadi. Ikkinchi bo‘lim debyutida Olivye Jiru londonliklarni oldinga olib chiqdi.
66-daqiqada Daniel Podense muvozanatni tiklashga muvaffaq bo‘ldi. Barchasi durang tomon ketayotgan bir vaqtda “bo‘rilar” so‘nggi soniyalardagi qarshi hujumni gol bilan yakunladi va irodali g‘alaba qo‘lga kiritdi.
Shu tariqa “Vulverhempton” ochkolarini 20 taga yetkazib olgan holda 9-o‘ringa ko‘tarildi. Ketma-ket ikkita turni boy bergan “Chelsi” (22) hozircha 5-pog‘onada qoldi. O‘tgan turda jamoa “Everton”ga yutqazgandi (0:1).
APL
13-tur bahsi
15-dekabr, seshanba
“Vulverhempton” — “Chelsi” 2:1
Gollar: 0:1 – 49 Jiru, 1:1 – 66 Podense, 2:1 – 90+5 Netu.“Vulverhempton”: Ruy Patrisiu, Marsal, Semedu, Koudi, Saiss, Podense (Vitinya, 90), Ruben Nevesh, Netu, Dendonker (Otasoui, 46), Boli, Fabiu Silva (Traore, 61).
“Chelsi”: Mendi, Chiluell, Zuma, Tiago Silva, Jeyms, Haverts (Kovachich, 71), Kante, Maunt, Pulishich, Verner, Jiru (Abraham, 71).
Ogohlantirishlar: Maunt (60), Podense (77), Kante (85), Semedu (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)