Ички ишлар вазирининг шахсий таркиб бўйича буйруғи билан лавозим тайинловлари амалга оширилди, деб хабар бермоқда ИИВ матбуот хизмати.
Унга кўра, подполковник Бекназар Шаханов Қорақалпоғистон Республикаси ИИВ Қораўзак тумани ИИБ бошлиғи лавозимига тайинланди. Тайинловга қадар у Қорақалпоғистон Республикаси ИИВ Чимбой тумани ИИБ бошлиғи лавозимида фаолият юритган.
Подполковник Сабит Утамбетов Қорақалпоғистон Республикаси ИИВ Чимбой тумани ИИБ бошлиғи лавозимига тайинланди. Бунга қадар Қорақалпоғистон Республикаси ИИВ Қораўзак тумани ИИБ бошлиғи бўлган.
Подполковник Умиджон Мавлонов Сирдарё вилояти ИИБ бошлиғининг жамоат тартибини сақлаш бўйича ўринбосари лавозимига тайинланди. Тайинловга қадар Умиджон Мавлонов Сирдарё вилояти ИИБ Патруль-пост хизмати ва жамоат тартибини сақлаш бошқармаси бошлиғи лавозимида ишлаган.
Аввалроқ Бухоро, Навоий ва Сирдарё вилоятига тергов бошқарма бошлиқлари тайинлангани хабар берилган эди.
Изоҳ (0)