Анъанага кўра, январь ойининг боши ҳақиқий «икра марафони»га айланади. Оилавий йиғилиш, учрашувлар ва дўстлар билан зиёфатда, албатта, ушбу егуликни учратиш мумкин. Аммо севимли денгиз маҳсулоти организм учун қай даражада фойдали? Эҳтимол, унинг хавфли томонлари ҳам мавжуд бўлиши мумкин. Қуйида ушбу маҳсулот ҳақида батафсил танишиш мумкин.
Депрессияни даволайди
Бу ҳақда аввал маълум қилинмаган бўлса-да, икра катта стрессни енгишга ёрдам бериши мумкинлиги ҳақида далиллар кўпаймоқда. Дастлабки тадқиқотлар шуни кўрсатдики, депрессия, биполяр бузилиш ва бошқа руҳий саломатликда муаммолари бўлган одамлар қизил икра таркибида кўп бўлган омега-3 ёғ кислоталарига бой парҳезлардан фойда олишлари мумкин. Доктор Эндрю Столл биполяр бузилиши бўлган одамларда ўтказган тадқиқотида Омега-3 ёғ кислоталарига мослаштирган беморларда ўткир хуружлар 2,5 марта камроқ қайд этилишини исботлаган. Бундан ташқари 10 та мамлакат таққосланган тадқиқотлар шуни кўрсатдики, кўпроқ балиқ истеъмол қилинган жойларда депрессия даражаси анча паст кўрсаткичга эга.
Юракни ҳимоя қилади
Омега-3 нафақат зиғир уруғи ёки ёнғоқларда, балки балиқлар, шунингдек, қизил икра таркибида ҳам мавжуд. Ушбу озиқ-овқатлар юракни турли хил касалликлардан ҳимоя қилиши исботланганлиги туфайли Америка юрак ассоциацияси ҳафтасига камида икки маротаба балиқ ва қизил икра истеъмол қилишни тавсия этади.
Ақл ва ёшга ижобий таъсир ўтказади
Маҳсулот таркибида фосфор мия фаолияти учун масъул. Ёғ кислоталари эса тери учун ҳақиқий ёрдамчи ҳисобланади. Улар коллагенни сақлайди, яллиғланишнинг олдини олади. Шунингдек, стресс гормони, кортизолдан ҳимоя қилади.
Қизил икранинг зарарли томонлари ҳам мавжудми?
Бир неча йил аввал АҚШнинг атроф-муҳит бўйича ишчи гуруҳи кўпинча хавфсиз ва барқарор истеъмол мезонларига жавоб бермайдиган ўнлаб балиқлар рўйхатини тузди. Унга кўра, балиқ ўзида симоб ва оғир металларни тўплайди, кимёвий озуқалар ёрдамида фермаларда етиштирилади. Шунинг учун уни камроқ истеъмол қилиш ва қандай шароитда етиштирилганига амин бўлиш керак.
Икрани сақлашда тузлангани туфайли маҳсулотда натрий миқдори ортади. Оқибатда буйрак фаолияти, шиш ва модда алмашинуви жараёни бузилади.
Яна бир зарарли томони шундаки, қизил икра таркибида юқори холестерин мавжуд. Уни истеъмоли меъёридан ошиб кетса, қонда ҳам холестерин миқдори ортиб боради. Шундай қилиб қизил икра юракка фойда бўлишидан ташқари томирларни тўсиб қўйиши ҳамда ёғ тўпланишига олиб келади. Шунингдек, тишларнинг рангига ҳам салбий таъсир ўтказади. Бироқ буларнинг бари икрани йилда бир ёки икки маротаба истеъмол қиладиганлар учун тааллуқли эмас.
Изоҳ (0)