Швеция 2022 йилга қадар миллий валютанинг рақамли аналогига ўтиш имкониятларини кўриб чиқмоқда. Бу ҳақда мамлакат молиявий бозорлар ва истеъмолчилар ҳуқуқлари масалалари вазири Пер Болундга таяниб «ТАСС» хабар берди.
Маълумотларга кўра, 11 декабрь куни электрон пулга ўтишнинг потенциал тадқиқоти бошланган. Бу каби имкониятни ўрганиб чиқиш жараёни 2022 йил ноябри охирларида тугаши керак.
Ноябрь ойида Швеция радиоси мамлакат Марказий банкининг ҳисоботига таяниб, Швециядаги барча тўловларнинг 10 фоиздан камроғида нақд пуллардан фойдаланилишини маълум қилганди. Таъкидланишича, Швеция нақд пулдан воз кечиш тезлиги бўйича дунёда биринчи ўринда кетмоқда. Муомалада бўлган нақд валюта ЯИМнинг 1 фоизини ташкил этади, Еврозонада эса ушбу кўрсаткич 11 фоизга тенг.
Аввалроқ англиялик иқтисодиётчилар марказий банкларга ўз рақамли валюталарини чиқаришни тавсия этганди.
Изоҳ (0)