Mercedes-Benz ва BMW компаниялари Мюнхенда бирдамлик акциясини ўтказиб, унинг доирасида электрокроссоверлари билан алмашди. Mercedes’нинг Adventskalender’даги офисининг шишали фасадидан iХ3 модели ўрин олган бўлса, BMW Welt кўргазма марказида эса EQC 400 электрокари пайдо бўлган, деб хабар беради Motor.
Mercedes-Benz офисининг шишали фасади ҳар йили «календарь»га айлантирилади. Олдинлари у ерга фақат уч томони юлдуз моделлари жойлаштирилган, бироқ 2020 йилда Kauf lokal ташаббуси («Маҳаллий маҳсулотларни харид қилинг») доирасида компания Мюнхендаги кичик ва ўрта бизнес корхоналари маҳсулотларининг рекламаси учун 24 та «слот» ажратган. Жойлаштириш бепул амалга оширилади, умумий реклама қиймати эса 750 минг еврога тенг.
Имкониятдан фойдаланган BMW 10-рақамли «слот»ни эгаллаб, ўзининг iХ3 электрокроссоверини намойишга қўйди. Ўз навбатида BMW Welt кўргазма марказида Mercedes-Benz EQC 400 электройўлтанламаси пайдо бўлган. Компания вакилларининг сўзларига кўра, улар шу орқали «оғир вақтларда бирдамлигини намойиш этмоқда», шунингдек, Wir halten zamm («Бирлашамиз») умуммиллий кампаниясида иштирок этяпти.
Мавзуга доир:
Изоҳ (0)