Sea Shepherd табиатни муҳофаза қилиш ташкилотининг Мексиканинг ғарбий қирғоғидаги экспедицияси тумшуқли китнинг шу пайтгача номаълум бўлган турини учратди, деб хабар бермоқда Meduza.
Янги турни аниқлагани тахмин қилинаётган зоологик экспедиция 2020 йилнинг кузида ўтказилган. Тадқиқотчилар китларнинг аввал маълум бўлган бир тури ҳақида маълумот тўплаш учун кемада Сан-Бенито оролларига келган ва йўлда ҳаво олиш учун сув юзасига чиққан 3 та китга дуч келган.
Экспедиция аъзолари китларни суратга олиб, овозларини ёзиб олган. Кейинчалик ушбу маълумотлар таҳлили ушбу китлар тишларининг тузилиши бошқа турлардаги китларникига ўхшамаслигини ва улар чиқарадиган товушлар ҳам бошқачалигини кўрсатган.
Яқинда олимлар уларнинг ДНКларини ажратиш мақсадида китларни учратган жойидан олинган сув намуналарини таҳлил қилади. Бу янги тур кашф қилинганини расман тан олиниш учун керак бўлади.
Изоҳ (0)