Американинг Moderna компанияси COVID-19 коронавирусига қарши ўспиринлар иштирокида эмлашнинг иккинчи босқичини бошлади, деб хабар бермоқда «Интерфакс» The Guardian’га таяниб.
ОАВ хабарларига кўра, синовда иштирок этаётганларнинг биринчи гуруҳи вакцинациядан ўтган. Синовда 12 ёшдан 18 ёшгача бўлган ўспиринлар иштирок этмоқда.
Унда жами 3 минг нафар соғлом кишилар иштирок этади, уларга 28 кунлик оралиқ билан икки дозалик вакцина қилинади. Компания натижаларни 2021-ўқув йили бошланишидан олдин олишига умид қилмоқда.
Moderna компанияси вакцинаси икки дозадан иборат. Иккинчи инъекция биринчисидан 28 кун ўтгач қилинади.
1 декабрь куни Moderna АҚШ Озиқ-овқат маҳсулотлари ва дори воситаларининг Санитар назорати бошқармасига (FDA) коронавирус вакцинасидан фавқулодда фойдаланиш учун ариза юборганини эълон қилганди. Аввалроқ унинг самарадорлиги дастлабки таҳлилда 94,1 фоиз, касалликнинг оғир шаклида эса 100 фоиз самарадорлик кўрсатгани маълум қилинганди.
Фавқулодда фойдаланиш учун ариза бериш бу — организмга таъсири бўйича текширувлар натижасини кутмасдан, дори воситаларидан фойдаланишни бошлаш тўғрисидаги сўров.
Изоҳ (0)