Ливан прокуратураси Байрут портидаги портлаш иши бўйича тергов доирасида мамлакатнинг собиқ бош вазири Ҳасан Диаб ва уч нафар собиқ вазирга қарши айбловни илгари сурди. Бу ҳақда «Интерфакс» хабар берди.
Шунингдек, собиқ молия вазири Али Ҳасан Ҳалил, жамоат ишлари вазирлари Ғози Зейтер ва Юсуф Фениасносга нисбатан айблов эълон қилинган.
Собиқ мансабдорларнинг барчаси одамлар ўлимига олиб келган лоқайдликда айбланмоқда.
Ливан пойтахти Байрут шаҳридаги портда 2020 йилнинг 4 август куни аммиак селитраси сақланаётган омбор портлаганди. Портлаш кучи шу даражада бўлдики, унинг оқибатида бутун шаҳардаги бинолар зарар кўрди, 190 киши ҳалок бўлди, 300 мингдан ортиқ одам уйсиз қолди.
Мамлакат расмийлари портлаш оқибатида юзага келган умумий зарарни 3-5 миллиард долларга баҳолади. Ҳодиса сабабли мамлакат ҳукумати истеъфога чиқди. Портлашга олти йил аввал божхона хизмати томонидан мусодара қилинган ва портдаги омборда сақланаётган 2750 тонна аммиак селитраси сабаб бўлган.
Изоҳ (0)