Албанияда полициячи комендантлик соатини бузган эркакни ўлдириб қўйгани сабабли намойишлар бошланди. Бу ҳақда «Korrespondent.net» хабар берди.
Намойишчилар мамлакат ички ишлар вазирининг истеъфосини талаб қилмоқда. Намойишлардаги тўқнашувлар оқибатида икки нафар полиция ходими ва бир нафар журналист енгил жароҳат олган. Полиция кўздан ёш оқизувчи газ қўллаган.
Маълум бўлишича, 25 ёшли Клодиан Раша 8 декабрь куни тонг вақти полиция офицери томонидан комендантлик соати вақтида ҳаддан ортиқ куч ишлатилиши оқибатида ўлдирилган. Комендантлик соати коронавирус тарқалишининг олдини олиш мақсадида жорий қилинган.
Дастлаб полиция ўлдирилган эркак полициячининг тўхташ ҳақидаги буйруғини бажармаганини ва унинг қўлида қурол бўлганини маълум қилган. Бироқ кейинроқ полиция эркак қўлида қурол эмас, балки қандайдир буюм ушлаб турганини билдирган.
Клодиан Рашани ўлдирганликда гумон қилинаётган полиция ходими қўлга олинган, айни пайтда тергов олиб борилмоқда.
Изоҳ (0)