Футбол бўйича Осиё Чемпионлар Лигасида шарқ минтақасининг чорак финал учрашувлари 10 декабрь, пайшанба куни бўлиб ўтди.
Жанубий Кореянинг «Улсан Ҳёндай» жамоаси Хитойнинг «Бейжинг Гоан»и билан куч синашди. Бразилиялик легионер Junior Негаонинг дубли кореяликларга кейинги босқич эшикларини очди.
Испаниялик футбол юлдузи Адрес Иньеста тўп тепадиган «Виссел Кобе» жамоаси «Сувон» билан баҳсга киришди. Учрашувнинг 7-дақиқасидаёқ Пак Сан Ҳёк кореяликларни олдинга олиб чиқди. 38-дақиқага келиб «Сувон» Ким Те Ҳваннинг четлатилишидан кейин бир ўйинчи кам бўлиб қолди. Орадан кўп ўтмай японияликлар ҳисобни тенглаштиришга муваффақ бўлди.
Иккинчи бўлимда ҳисоб ўзгармади ва қўшимча бўлимларга мурожаат қилинди. Унда ҳам ғолиб номи аниқланмагач, пенальтилар серияси бўлиб ўтди. Узоқ давом этган серияда японлар устун келди.
Шу тариқа шарқий минтақа жамоалари ўртасидаги ярим финалда «Улсан Ҳёндай» — «Виссел Кобе» учрашуви бўлиб ўтади. Учрашув 13 декабрь кунига белгиланган. Унда ғолиб чиққан жамоа финалда ғарбий минтақа ғолиби — «Персеполис» билан ўйнайди.
ОЧЛ
Чорак финал баҳслари
10 декабрь, пайшанба
«Улсан Ҳёндай» Жанубий Корея — «Бейжинг Гоан» Хитой 2:0
Голлар: 1:0 – 21, пенальти Junior Неаго, 2:0 – 42 Junior Неаго.«Виссел Кобе» Япония — «Сувон» Жанубий Корея 1:1
Пенальтилар серияси — 7:6Голлар: 0:1 – 7 Пак Сан Ҳёк, 1:1 – 40 Фуруҳаши.
Четлатиш: Ким Те Ҳван (38) — «Сувон»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)