Испаниялик олимлар синф хонасидаги ҳар бир инсон учун алоҳида трубалар тармоғидан иборат конструкцияни ўз ичига олган ихтирони патентлади, деб хабар беради Hi-Tech.Mail.ru.
Тахминларга кўра, қувурларнинг улкан лабиринтида иккита канал бўлади — биттаси тоза ҳавони узатиш учун бўлса, иккинчиси — чиқариладиган ҳаво учун. Иккала каналдаги ҳаво ҳам ультрабинафша чироқ ёрдамида қўшимча дезинфекция қилинади. Юз учун индивидуал ниқоблар белгиланган жойларга ўрнатилади.
Конструкцияда тизим икки партадошдан чиқадиган ҳавонинг аралашиб кетмаслиги қандай қилиб таъминланиши тушунарсиз. Шунингдек, одамлар хонадан қандай қилиб хавфсиз жойга чиқиши ёки ниқоблар ишлатилиб бўлинганидан кейин, тозаланишига изоҳ берилмаган. Бунга ҳозирча жавоб йўқ, бироқ тоза ҳаво «ифлос» ҳаво билан аралашиб кетмаслиги аниқ.
Синфдагиларнинг барчаси тоза ҳаводан нафас олса ва ниқобда юрса, ижтимоий масофаланишга риоя қилиш зарурати туғилмайди. Афтидан, одамлар ўз ихтиёри билан ушбу ноодатий қурилмани тақиши орқали барча синфлар ёки масалан, кинотеатрлар ўзининг одатдаги иш режимига қайтиши ва 100 фоиз ташриф буюрувчига хизмат кўрсатиши мумкин кўринади.
Лойиҳа ҳозирча концепция доирасида, бироқ лабораторияда унинг кичкина модели яратилган ва тажриба тариқасидаги дастлабки босқичда муваффақиятли синалган. Тадқиқотчилар бу каби антиутопик тармоқни ҳақиқий синфларда жорий этиш қанчага тушишига ойдинлик киритмаган.
Аввалроқ канадалик эркак коронавирусдан ҳимоя қилувчи шлем яратгани тўғрисида хабар берилганди.
Изоҳ (0)