Bloomberg nashri Apple’ning kelajakdagi kompyuterlariga bag‘ishlangan materialni e’lon qildi. Kompaniya 2021-yildan boshlab o‘zining yangi protsessorlarida ishlaydigan MacBook Pro va iMac’larni taqdim etishni boshlaydi. Noutbuk va monoblok Intel’ning professional vazifalarni bajarishga mo‘ljallangan o‘rtacha narxli segmentidagi modellarini almashtira oladi.
2021-yilda Apple Mac Pro uchun 32 yadroli protsessorni taqdim etadi, u grafika va maxsus effektlar bilan ishlashga, keng hajmdagi ma’lumotlarni qayta ishlash kabi murakkab vazifalarni bajarishga qodir. Bloomberg jurnalistining so‘zlariga ko‘ra, u Intel’ning har qanday protsessoridan kuchli bo‘ladi.
Shu yilning bahorida Apple o‘zi tomonidan ishlab chiqarilgan M1 protsessorida ishlovchi kompyuterlar lineykasini taqdim etgandi. Faol sovutish tizimiga ega bo‘lmagan eng arzon MacBook Air’ni ham so‘nggi avlod Intel Core i7 noutbuklari bilan taqqoslash mumkin.
Apple nafaqat Intel protsessorlari va kompyuterlaridan voz kechmoqda, balki ARM arxitekturasiga qaytayapti. Bu esa bir necha yil davom etadi, chunki dasturchilar yangi chiplarga mos dasturlarni yozishi kerak.
Avvalroq Apple ikkita USB 4 porti, juda kuchli protsessor va grafikaga ega M1 platformasidagi MacBook Pro 13 taqdim etilgani to‘g‘risida xabar berilgandi.
Izoh (0)