Шон Коннери ижросидаги Жеймс Бонднинг пистолети 250 минг долларга сотилди

Британиялик супержосус Жеймс Бонд ҳақида 1962 йилда суратга олинган «Доктор Ноу» фильмида Шон Коннери гавдалантирган бош қаҳрамонга тегишли пистолет аукцион орқали 256 минг долларга сотилди, деб хабар беради «Korrespondent.net».

Julien’s Auctions аукцион уйининг дастлабки ҳисоб-китобларига кўра, лот 150-200 минг доллар оралиғида баҳоланган.

Гап Walther PP пистолети ҳақида кетмоқда. Франшиза мухлисларининг кўпчилиги Жеймс Бонд Beretta’ни Walther PP’га айнан «Доктор Ноу» фильмида алмаштирганини яхши билади, чунки Мi-6’дагилар Beretta унга яна бир бор панд бериши мумкин деб ҳисоблаган. Шундан буён Walther жосуснинг асосий қуроли бўлиб келган.

Эслатиб ўтамиз, 31 октябрь куни шотландиялик актёр ва продюсер Шон Коннери 90 ёшида вафот этган эди.