«Муҳташам юз йил» сериали юлдузи Нур Феттаҳўғлу сериалларда бошқа суратга тушмаслигини маълум қилди

Дунёга машҳур туркиялик актриса Нур Феттаҳўғлу карьераси билан боғлиқ режалари ҳақида бўлишди. Актрисанинг сўзларига кўра, сериалда суратга тушиш нияти йўқ. Бу ҳақда «RusTurkey.com» хабар бермоқда.

Маълумотларга кўра, актриса карьерасини суратга олиш майдончаларида давом эттиришга амин эмас. Унинг учун театрлаштирилган томошалар сериалларда ишлашдан кўра яхшироқ.

«Яқинда рақамли платформа билан ишлаш учун шартнома имзоладим. Аммо бу фильм ҳам, сериал ҳам эмас. У театрлаштирилган томоша бўлади. Ўйлайманки, бу менинг фаолиятимдаги янги босқичга айланади», — дейди юлдуз.

Маълумот учун, актриса ўзбек телетомошабинларига «Муҳташам юз йил», «Бобил» ва «Опа-сингил қизлари» каби сериаллардаги образлари билан яхши таниш.