Бугун,

  • USD 11095.31
  • RUB 173.84
  • EUR 10772.44

Россия Ўзбекистон томонидан Тошкент вилояти Қибрай туманидаги Tashkent Pharma Park инновацион илмий-ишлаб чиқариш фармацевтика кластери ҳудудида коронавирусга қарши вакцинани ишлаб чиқариш бўйича таклифни олди. Бу каби таклифни Фармацевтика тармоғини ривожлантириш агентлиги директори Сардор Кариев билдирган, деб хабар беради «Gazeta.uz».

Фото: «Gazeta.uz»

Фото: «Gazeta.uz»

43,75 гектар жойда Tashkent Pharma Park’ни қуриш ишлари 2020 йилнинг январь охирларида бошланган. Кластер ўз инфратузилмаси, шунингдек, саноат зонасига эга Фармацевтика техника университетини ўз ичига олади. 2020—2024 йилларга мўлжалланган лойиҳани амалга ошириш учун 191 миллион доллар йўналтирилган.

Сардор Кариевнинг маълум қилишича, кластер ҳудудида иммунобиологик вакциналарни, хусусан, Россиянинг коронавирусга қарши вакциналарни ишлаб чиқариш лойиҳаларини амалга ошириш мумкин.

Лойиҳа қиймати 53 миллион долларга баҳоланган бўлиб, ишлаб чиқариш қуввати — 120 миллион дона. Агентлик раҳбарининг тақдимотида таъкидланишича, Ўзбекистонда вакцинация календарь режага киритилган ва COVID-19’га қарши вакциналарни ишлаб чиқариш бўйича вазифалар белгилаб олинган. Гап Президентнинг турли хил вакциналарни ишлаб чиқариш майдончаларини ва замонавий синов майдончаларини яратиш борасидаги қарори ҳақида кетмоқда.

Айни вақтда иммунобиологик вакциналар импортининг улуши 92 фоизни ташкил этмоқда.

2021 йилнинг апрелига қадар лойиҳанинг техник-иқтисодий асосини ишлаб чиқиш ва тасдиқлаш, июнда лойиҳани GMP талаблари асосида ишга тушириш ва қурилиш-монтаж ишларини бошлаш таклиф этилмоқда.

Эслатиб ўтамиз, 4 декабрь куни Россия томонидан яратилган коронавирусга қарши «Спутник V» вакцинаси Ўзбекистонга олиб келинган эди. Намуналар Ўзбекистон томонига рўйхатдан ўтказиш ва мамлакат ҳудудида вакциналар ишлаб чиқариш саноатини ишга тушириш учун зарур бўлган синовларни ўтказиш мақсадида топширилган.

Изоҳ
Асосий янгиликлар
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади