«Чанъэ-5» Хитой космик аппаратининг қўниш модули орбита комплексидан ажралиб, Ой юзасига қўниш учун тайёргарликни бошлагани маълум қилинганди. Meduza’нинг хабар беришича, у 1 декабрь куни Ойга қўниб, ўз байроғини ўрнатди.
Миссиядан асосий мақсад Ойда 2 метрга яқин чуқурликда бурғилаш ишларини олиб бориб, тупроқ намунасини йиғишдир. Жами 2 килограммча намуна йиғиш режалаштирилган. Учиш модули контейнер ичига жойлаштирилган тупроқ намуналарини орбита аппаратига элтади, шундан сўнг капсула у билан бирга Ерга қайтиши лозим.
Бу муваффақиятли ўтса, Хитой буни амалга оширган дунёда тўртинчи мамлакатга бўлади. Бундан ташқари, Хитой сўнгги 44 йилдан буён Ой юзасидан тупроқ намуналарини олиб келган биринчи давлатга айланади. 1969—1976 йиллар давомида АҚШ ва СССР Ерга бир неча бор Ойдан тупроқ намунасини олиб келган.
2019 йилнинг апрелида Хитой бошқа кўплаб мамлакатлар қатори, Ойга ўз одамини қўндириш имкониятини кўриб чиқаётгани маълум бўлганди. Май ойида эса «Юйту-2» луноходи Ойнинг орқа томонида Ой мантиясининг икки хил жинсларини топган эди.
Изоҳ (0)