Қозоғистонда 22 декабрдан бошлаб Россия томонидан яратилган «Спутник V» вакцинасини ишлаб чиқариш бошланади. Бу ҳақда мамлакат президенти Қосим-Жўмарт Тўқаевнинг бош вазир Асқар Мамин билан ўтказган учрашуви вақтида маълум бўлди, деб хабар беради Tengrinews.
«Мамлакат раҳбарига президент Владимир Путин билан амалга оширилган келишув доирасида 22 декабрдан бошлаб Қозоғистонда ‘Спутник V’ вакцинасини ишлаб чиқаришни бошлаш йўлга қўйилиши тўғрисида маълумот берилди», — дейилади хабарда.
Шунингдек, маълум бўлишича, қозоғистонликларни коронавирусга қарши оммавий вакцинациядан ўтказиш 2021 йилнинг бошидан бошланади. Асқар Маминнинг сўзларига кўра, Қозоғистонда 2020 йилнинг декабридан бошлаб коронавирусга қарши икки миллион доза маҳаллий вакцинани ишлаб чиқариш бошланади.
Аввалроқ «Спутник V» вакцинасининг намуналари Ўзбекистонга олиб келингани тўғрисида хабар берилганди.
Мавзуга доир:
Изоҳ (0)