Pfizer компанияси 2020 йил охирига қадар олдинроқ режалаштирилганидек коронавирусга қарши вакцинанинг 100 миллион эмас, балки 50 миллион дозасинигина ишлаб чиқара олади. Бу ҳақда The Wall Street Journal вакцинани ишлаб чиқаришга алоқадор бўлган манбасига таяниб хабар берди.
Аниқланишича, вакцинани ишлаб чиқаришдаги айрим маҳсулотлари партияси сифат талабига жавоб бермайди. «Ушбу муаммо ҳал этилди, бироқ режа бўйича етказиб беришларни амалга ошириш учун вақтимиз етмайди», — дейди у.
Американинг Pfizer ва Германиянинг BioNTech компаниялари томонидан яратилган вакцина билан эмлаш ишлари икки босқичда амалга оширилади. Яъни 50 милллион доза вакцина 25 миллион кишини эмлашга етади.
Аввалроқ Pfizer ва BioNTech ўзининг BNT1622б вакцинаси тадқиқотларнинг учинчи босқичи якунлари бўйича 95 фоиз самарадорлик кўрсатганини маълум қилганди. Таққослаш учун: Россиянинг «Спутник V» вакцинаси самарадорлиги ўз ишлаб чиқувчилари томонидан 92 фоизга, Америка Moderna компанияси вакцинаси — 94,1 фоизга, AstraZeneca компанияси вакцинаси — 70 фоизга баҳоланган.
Pfizer ва BioNTech вакцинани АҚШда ҳамда Евроиттифоқда рўйхатдан ўтказиш учун ариза берган. 2 декабрь куни Буюк Британия дунёда биринчи бўлиб Pfizer’нинг коронавирусга қарши вакцинасидан фойдаланишни маъқуллаган.
Изоҳ (0)