Braziliyalik rassom ko‘rinishini yashirmay virusdan saqlanishni istaganlar uchun niqobga odam ko‘rinishini chiza boshladi

Rio-de-Janeyroda bo‘lib o‘tadigan karnaval va kostyumlarni o‘ziga xos ravishda bezashi bilan mashhur bo‘lgan 65 yoshli rassom Jorge Roriz pandemiya vaqtida o‘zining ijodkorligini noan’anaviy niqoblar taqdim qilish bilan umumlashtirdi. Reuters’ning yozishicha, ushbu niqoblar virusdan saqlanish shu bilan birga ko‘rinishini berkitishni istamaydiganlar uchun mo‘ljallangan.

Roriz niqoblarni xuddi yuz ko‘rinishidek qilib chizadi. Niqobni taqib gapirgan kishi labi qimirlamayotgandek tuyuladi. Jorgening aytishiga qaraganda, u niqoblardan kimligini berkitmaslik uchun foydalanadi.

U oq rangli niqobga odam yuzining pastki qismini mayda detallar — teri rangi va lablarga e’tibor qaratgan holda chizadi.

Ushbu niqob pandemiya vaqtida yuzini berkitishni istamagan, ammo o‘zini virusdan himoyalashni istagan kishilar orasida mashhurlikka erishgan, deyiladi xabarda.

https://youtu.be/wZyq3LK0f5M

Rassom aslida boshqacha bo‘lishi kerak bo‘lgan narsa odamlarga quvonch keltirayotganidan mamnun ekanligini bildirgan.