Тошкент аэропортида бир қизни Бирлашган Араб Амирлигининг Дубай шаҳрига фоҳишалик учун олиб кетаётган аёл қўлга олинди, дея хабар бермоқда ИИББ ахборот хизмати инспектори Жамолиддин Насимов «Дарё»га.
Қайд этилишича, Азиза исмли фуқаро Тошкент шаҳар Ички ишлар бош бошқармаси Терроризм ва экстремизмга қарши кураш бошқармаси ходимларига ариза билан мурожаат қилган. Аризага асосан Шаҳло исмли қиз уни алдов йўли билан пулини кейинчалик ишлаб бериш шарти асосида 3500 АҚШ доллари қарз эвазига Бирлашган Араб Амирлигининг Дубай шаҳрига фоҳишалик билан шуғулланиш учун юбораётганини маълум қилган.
Аризага асосан Тошкент шаҳар ИИББ Терроризм ва экстримизмга қарши курашиш бошқармаси Одам савдоси ва ноқонуний миграция қарши курашиш бошқармаси ходимлари томонидан тезкор суриштирув ва ўрганиш ишлари олиб борилди. Натижада 11 ноябрь соат тонги 5:30 ларда Ислом Каримов номидаги Тошкент халқаро аэропортида жабрланувчи 1992 йилда туғилган Азиза тўхтатиб қолинди.
Шунга асосан Тошкент шаҳар Бектемир туманида тезкор тадбир ўтказилган. Тадбирда аризада кўрсатилган Нафиса исмли шахс қўлга олинган. У Бектемир тумани ИИБ фаолиятини мувофиқлаштириш бошқармаси Тергов бўлимига топширилди.
«Танишим Нафиса чет элда иш борлигини айтди. У ерда яхши пул топиш мумкинлигини айтиб, қизиқтиришни бошлади. Кейин вақт ўтиши билан билсам, у ерга фоҳишалик билан шуғулланишга жўнатмоқчи экан.
Ўртоғим билан маслаҳатлашганимда у менга ҳозир одам савдоси билан шуғулланиш кўпайиб кетганини айтди. Кейин биз Ички ишлар ходимига мурожаат қилдик. Улар қонун доирасида Нафисага чора кўрди», – дейди жабрланувчи.
Суриштирув жараёнларида шахсини аниқлашнинг имкони бўлмаган. Нафисанинг жиноий шериги, ҳозирда БАА да истиқомат қилувчи халқаро пул ўтказмалари орқали жабрланувчининг билети ва харажатлари учун 500 АҚШ доллари жўнатган. Бунинг эвазига Дубай шаҳрида иш бошлагандан сўнг 3 500 АҚШ доллар ишлаб бериши шарт сифатида кўрсатилган.
Мазкур ҳолат юзасидан Тошкент шаҳар Бектемир тумани ИИО фаолиятини мувофиқлаштириш бошқармаси ҳузуридаги Тергов бўлими томонидан Жиноят кодексининг 135-моддаси 2-қисми «э» банди (бир гуруҳ шахслар томонидан олдиндан тил бириктириб одам савдоси билан шуғулланиш) билан жиноят иши қўзғатилиб, ҳозирда тергов ҳаракатлари олиб борилмоқда.
https://www.youtube.com/watch?v=NOIbkllJxDk&feature=youtube
Аввалроқ Тошкентда фоҳишалар гуруҳини интернетда реклама қилиб келган блогер ушлангани, Тошкентда Ўзбекистон ва чет эл фуқароларига шаҳвоний хизматлар кўрсатувчи йирик жиноий гуруҳ аниқлангани ҳамда Самарқандда 12 нафар фуқаронинг паспортини олиб қўйиб, уларни 2 йил давомида фоҳишалик билан шуғулланишга мажбур қилган аёл ҳибсга олингани ҳақида хабар берилганди.
Изоҳ (0)