Тошкент вилоятининг Янгийўл туманидаги хонадонларнинг бирида газ портлаши оқибатида икки киши ҳалок бўлгани ҳақида хабар берилган эди.
Бош прокуратура матбуот хизматининг хабар беришича, ҳолат юзасидан Янгийўл тумани прокуратураси томонидан Жиноят кодесксининг 258-моддаси (тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилди.
Тергов ҳаракатлари олиб борилмоқда.
Эслатиб ўтамиз, ҳолат 30 ноябрь куни юз берган. Унинг оқибатида уйнинг бир қисми қулаб, хонадон эгалари вайроналар остида қолганди. Уйдан 36 ёшли И.С., 33 ёшли И.Н., 14 ёшли И.Р. ва 11 ёшли И.С. олиб чиқилиб, тиббиёт муассасасига юборилган.
Бироқ кўрсатилган ёрдамга қарамай И.С. ва И.Р. вафот этган, И.Н. ва 11 ёшли И.С. турли даражада тан жароҳатларини олган.
Газ портлашининг асосий сабаби сифатида табиий газдан фойдаланиш қоидаларининг бузилиши тахмин қилинмоқда.
Аввалроқ Қибрайдаги хонадонда газ портлаши оқибатида уй эгаси ва унинг ўғли ҳалок бўлгани тўғрисида хабар берилганди. Ҳолат юзасидан жиноят иши қўзғатилган. Шу йилнинг апрель ойида Самарқанд вилоятининг Каттақўрғон шаҳрида аҳоли яшовчи кўп қаватли уйда портлаш содир бўлган, оқибатда уч киши ҳалок бўлганди.
Изоҳ (0)