Коронавирус пандемияси энди бошланган вақтда Стивен Содербергнинг «Эпидемия» фильми кутилмаганда бутун дунёда энг кўп кўрилган картинага айланди. Гап шундаки, хавфли вирус ҳақида лента кўп жиҳатлари билан COVID-19’га оид вазиятни олдиндан башорат қилган. Маълум бўлишича, суратга олиш ишларида қатнашган олимлар ростдан ҳам сайёра шу каби вазиятга дуч келишига ишонган. Бу ҳақда Жуд Лоуга таяниб, «Film.ru» хабар берди.
«Бу каби ҳолат содир бўлиши мутлақо аниқ эди. Сценарийнавис Скотт Бёрн ва Стивен Содерберг билан ишлаган суратга олиш майдончасидаги олимлар жуда билимли ва тажрибали одамлар бўлиб, нималар содир бўлишини биларди. Ва улар барчамизга бу содир бўлишини айтган — гап ‘агар’ эмас, балки ‘қачон’ содир бўлиши ҳақида кетган», — дейди Лоу.
Актёрнинг айтишича, барчаси улар тасвирлаб бергандек содир бўлган.
«Қўрқинчли томони бу ҳақда суратга олиш майдончасида, экспертлар айтганидан сўнг хабар топасиз, аммо доим ҳам эслаб қола олмайсиз. 2020 йил бошланганида Хитойда нималар содир бўлаётганини эшитдик, табиийки фавқулодда қўнгироқлар жаранглай бошлади», — дейди актёр.
Эслатиб ўтамиз, фильмда Хитойда тарқалган хавфли вирус ҳақида сўз боради. Картинада бир нечта сюжет линиялари мавжуд бўлиб, у орқали сайёра аҳолисининг пандемияга қарши қандай курашгани тасвирланган.Аввалроқ 2018 йилда суратга олинган корейс сериалида коронавирус тарқалиши прогноз қилингани маълум бўлганди.
Изоҳ (0)