Россиялик сиёсатчи Алексей Навальний Европа Иттифоқини россиялик миллиардерларга қарши шахсий санкция жорий қилишга чақирди. Бу ҳақда сиёсатчи Европа парламентининг халқаро ишлар қўмитаси йиғилишида сўзлаган нутқида гапирди, деб хабар бермоқда Meduza.
«Ҳозирча биз уларга қарши курашишга уринишларни кўрмаяпмиз. Россиядаги (Алишер) Усмонов ва (Роман) Абрамович Европадан ҳайдаб чиқарилганлигини билганларида, Россия кўчаларида байрам бўлади», — деб ҳисоблайди Навальний.
Шундай қилиб, Навальний Россия аҳолисини қандайдир тарзда Европа Иттифоқи томонидан қўлланиладиган санкциялар уларга қарши қаратилган эмаслигига ишонтириш мумкинми деган саволга жавоб берди.
Алексей Навальний 2020 йил август ойининг охиридан бери Берлинда яшамоқда, сиёсатчи у ерда заҳарланишдан кейин даволанган. Европа парламентида россиялик сиёсатчи видеоалоқа орқали чиқиш қилган.
Аввалроқ Европа Иттифоқи Алексей Навальнийнинг заҳарлангани сабабли Россиянинг олти нафар мансабдор шахсига қарши санкция жорий қилганди.
Изоҳ (0)