Fomalhaut тадқиқот компанияси Nikkei Asia нашри билан ҳамкорликда янги iPhone жамланмаларининг таннархини 406 долларга баҳолади. Шу билан бирга, смартфон дўконларда 999 доллардан — 2,5 баробар қиммат нархда сотилмоқда, деб ёзади Hi-Tech.Mail.ru.
Гап барча эҳтиёт қисмларининг алоҳида олинган ҳолдаги нархи ҳақида кетмоқда — дисплей, корпус, камералар, чиплар ва ҳоказо. Таннархда қурилмани яратиш, йиғиш, логистика, ходимларга маош, бино ижараси ва дўконларда устига қўйилган нарх ҳисобга олинмайди.
Шу сабабли Apple аслида ҳар бир iPhone’дан қанча даромад қилишини аниқ айтиш қийин. Шу билан бирга, компания смартфонлардан даромад кўраётган етакчи компания ҳисобланади — у қолган ишлаб чиқарувчилардан кам сотади, бироқ ҳар биридан ўртача кўпроқ пул ишлайди.
Эътиборли жиҳати, iPhone 12 Pro’нинг 21,9 фоизи Америкада, 26,8 фоизи Жанубий Кореяда, қолган улуши Европа, Япония, Тайван ва Хитойда ишлаб чиқарилган эҳтиёт қисмлардан иборат. Жанубий Кореянинг асосий улуши Samsung томонидан ишлаб чиқариладиган OLED-дисплейларга тўлиқ ўтилганидан ортган. 2019 йилнинг энг машҳур смартфони — iPhone 11 IPS-матрисали ҳисобланади.
2020 йилда коронавирус сабаб Apple сентябрь ойида ўтказиладиган анъанавий тақдимотини кечиктиришга мажбур бўлди — iPhone 12 ва 12 Pro октябрьда, iPhone 12 mini ва 12 Pro Мах ноябрь бошида тақдим этилди.
Изоҳ (0)