Xiaomi вице-президенти ва Redmi бренди раҳбари Лу Вейбинг Weibo ижтимоий тармоғи орқали янги смартфонлар тақдимоти муносабати билан ўтказиладиган матбуот анжуманига махсус таклифномалар тасвирланган суратларни эълон қилди. Таклифнома билан бирга ҳақиқий совуқ қурол — темир ханжар ҳам тарқатилмоқда, деб хабар беради Hi-Tech.Mai.ru. Афтидан, бу каби ўзига хос совға Хитой ОАВ вакиллари ва блогерларга топширилади.
Тақдимотда бир нечта янги моделлар, жумладан, янгиланган Redmi Note 9 ва Pro версиялари тақдим этилиши кутилмоқда. Қурилмаларнинг биринчисига Full HD+ сифатни қўллаб-қувватлайдиган 6,53 дюймли дисплей ва 13 мегапикселли фронтал камера ўрнатилган. Асосий камераси 48 мегапикселл, аккумулятор сиғими — 5000 мА/соат.
Pro версия эса 120 герц янгиланиш частотасига эга IPS-дисплейга эга бўлади. Унинг экрани Full HD+ сифатга эга 6,67 дюймни ташкил этиб, унинг тиниқлигини 30 дан 120 герцгача бошқариш мумкин. Аккумулятор сиғими 4820 мА/соат.
Redmi Note 9 ва Redmi Note 9 Pro’нинг расмий тақдимоти 26 ноябрь санасига мўлжалланган.
Аввалроқ интернетда Redmi Note 9 Pro’нинг ёнган ҳолатдаги илк «жонли» сурати пайдо бўлгани тўғрисида хабар берилганди.
Изоҳ (0)