Интернетда GMC Yukon Чикаго йўллари бўйлаб олд ғилдиракциз ҳаракатланаётгани тасвирланган видео пайдо бўлди. Автомобильнинг олд қисми асфальт бўйлаб сирпаниб, учқунлар сачратмоқда, бироқ ҳайдовчи бунга эътибор ҳам қаратмаган — у худди ҳеч нарса бўлмагандек ҳаракатни давом эттирган, деб ёзади Motor.
Тахминларга кўра, Yukon бунга қадар аварияга учраган ва олд бампери ҳамда ўнг олд ғилдирагидан айрилган. Йўлтанламаснинг вазмин ҳайдовчиси бунга у қадар эътибор қаратмаган: олд ғилдираги йўқ автомобиль светофорнинг қизил чироқларида тўхтаган ҳолда ҳаракатланишни давом эттираверган.
Видеони олган гувоҳ уч ғилдиракли Yukon’га яқинлашишга муваффақ бўлиб, у иккита ғилдирак ҳисобига ҳаракатланаётганини пайқаган — орқа чап ғилдирак деярли йўлга тегмаган.
Тасвирдан кўриш мумкинки, бошқа ҳайдовчилар ушбу ноодатий транспорт воситасига йўл бермоқда — улар ўзларининг автомобилидан хавотирга тушган кўринади.
Изоҳ (0)