Internetda GMC Yukon Chikago yo‘llari bo‘ylab old g‘ildiraksiz harakatlanayotgani tasvirlangan video paydo bo‘ldi. Avtomobilning old qismi asfalt bo‘ylab sirpanib, uchqunlar sachratmoqda, biroq haydovchi bunga e’tibor ham qaratmagan — u xuddi hech narsa bo‘lmagandek harakatni davom ettirgan, deb yozadi Motor.
Taxminlarga ko‘ra, Yukon bunga qadar avariyaga uchragan va old bamperi hamda o‘ng old g‘ildiragidan ayrilgan. Yo‘ltanlamasning vazmin haydovchisi bunga u qadar e’tibor qaratmagan: old g‘ildiragi yo‘q avtomobil svetoforning qizil chiroqlarida to‘xtagan holda harakatlanishni davom ettiravergan.
Videoni olgan guvoh uch g‘ildirakli Yukon’ga yaqinlashishga muvaffaq bo‘lib, u ikkita g‘ildirak hisobiga harakatlanayotganini payqagan — orqa chap g‘ildirak deyarli yo‘lga tegmagan.
Tasvirdan ko‘rish mumkinki, boshqa haydovchilar ushbu noodatiy transport vositasiga yo‘l bermoqda — ular o‘zlarining avtomobilidan xavotirga tushgan ko‘rinadi.
Izoh (0)