Ўзбекистондан 2020 йилнинг 10 ойида чет элга 127,2 миллион АҚШ доллари қийматидаги 13 310 дона енгил автомобиль экспорт қилинган, дея хабар қилмоқда Давлат статистика қўмитаси.
Енгил автомобиль экспорти 2019 йилнинг мос даврига нисбатан 50,9 миллион АҚШ долларига, яъни 66,8 фоизга ошган. Ўзбекистон енгил автомобиллари асосан Қозоғистонга (11 048 дона) экспорт қилинган.
Ўзбекистон қуйидаги давлатларга енгил автомобиль экспорт қилган:
- Қозоғистон – 109,8 миллион АҚШ доллари;
- Украина – 6,4 миллион АҚШ доллари;
- Озарбайжон – 6,2 миллион АҚШ доллари;
- Россия – 2,2 миллион АҚШ доллари;
- Тожикистон – 1,2 миллион АҚШ доллари;
- Бошқа давлатлар – 1,4 миллион АҚШ доллари.
Аввалроқ Ўзбекистон қанча чой, ёғоч, автомобиль шинаси ва электромобил импорт қилгани ҳақида хабар қилинганди.
Изоҳ (0)