Исроил армияси ҳукуматдан АҚШ Эронга ҳарбий зарба амалга ошириши мумкинлиги сабаб тайёргарлик кўриш бўйича топшириш олган. Бу амалдаги президент Дональд Трамп лавозимдан кетгач, амалга ошиши мумкин, деб хабар беради «Korrespondent.net».
Исроил ҳукумати мазкур буйруқни қандайдир реал хавф ёки бирор-бир разведка маълумотларига асосланиб эмас, балки Трамп шу каби ҳужумни амалга оширишга буйруқ бериши мумкинлигини ҳисобга олиб чиқарган.
«Исроиллик юқори мартабали амалдорлар 20 январь куни бўладиган Байденнинг инаугурациясидан олдинги жуда қалтис даврни кутмоқда», — дейилади хабарда.
Исроил Мудофаа армияси кўрадиган чоралар Эроннинг Исроилга тўғридан-тўғри ёки Сурия, Ғазо сектори ва Ливандаги кучлари билан амалга ошириши мумкин бўлган жавоб зарбаларига боғлиқ.
Аввалроқ Дональд Трамп ўз маъмурияти билан Эрондаги уранни бойитиш заводига эҳтимолий ҳужумни муҳокама қилгани тўғрисида хабар берилганди.
Изоҳ (0)