Россияда бир суткада рекорд даражада — 25 487 кишида COVID-19 аниқланди. Мамлакатда қаторасига 3-кун вирусдан ўлимлар сони юқори бўлди

Россияда сўнгги суткада коронавирусга чалиниш бўйича 25 487 та янги ҳолат қайд этилди, деб хабар бермоқда Meduza. Бир кун олдин, 25 ноябрь куни 23 675 кишида COVID-19 аниқланганди. Мамлакатда касалланганлар сони умумий ҳисобда 2 187 990 нафарга етди.

Янги аниқланган ҳолатларнинг энг кўпи Москва (суткасига 6075 та), Санкт-Петербург (+3669) шаҳарларида,  Москва (+1022) ), Нижний Новгород (+453) ва Свердлов (+391) вилоятларида қайд этилган.

Мамлакатда сўнгги суткада рекорд даражада — 524 киши, пандемия бошланганидан буён эса эса 38 062 киши коронавирусдан вафот этган. Бир кун аввал COVID-19 беморларининг 507 нафари вафот этиб, кунлик ўлим ҳолатлари сони бўйича бундан аввалги рекорд кўрсаткич бўлганди.

Инфекциядан соғайганлар сони 1 685 492 нафарни ташкил этмоқда, шу жумладан, 25 073 нафари сўнгги бир кеча-кундузда тузалиб чиққан. Бир кун аввал 25 748 киши соғайганди.

«Роспотребнадзор» маълумотларига кўра, мамлакатда коронавирусни аниқлаш учун сўнгги 24 соатда 505 мингта, пандемия бошланганидан буён эса 74,2 миллионта тест ўтказилган.