Disney компанияси 2021 йилнинг биринчи ярим йиллигида 32 минг ходимини ишдан бўшатишга тайёрланмоқда. Бу ҳақда Disney томонидан Қимматли қоғозлар ва биржа комиссиясига берилган ҳужжатларга таяниб, Reuters хабар берди.
Ходимларнинг қисқартирилиши, асосан, АҚШ ва дунёнинг бошқа давлатларидаги паркларга тааллуқли.
Сентябрь охирида Disney ходимларини қисқартириш режаси ҳақида маълум қилган, бироқ ўша вақтда 28 минг ишчи ҳақида гап кетганди. Disney’нинг яна турли бўлинмаларидаги 37 мингга яқин ходими мажбурий таътилга чиқарилган.
2020 йилда коронавирус тарқалишининг олдини олиш йўлида қабул қилинган чоралар сабаб Disneyland’лар узоқ вақт ишламай қолган. Disney’нинг Калифорниядаги парки ҳамон ёпиқ, Флоридадаги Disneyland ўз ишини қайта бошлаган, бироқ ташриф буюрувчилар учун қаттиқ карантин талаблари белгиланган. Францияда парк очилган эди, аммо янги карантин эълон қилингани сабаб яна ёпилган.
Изоҳ (0)