Bugun,

  • USD 10940.05
  • RUB 182.26
  • EUR 11121.65

Space X kompaniyasi asoschisi va Tesla bosh direktori Ilon Maskning boyligi bir hafta davomida 13,5 milliard dollarga o‘sdi, deya xabar bergan Forbes.

Foto: AP Photo

Foto: AP Photo

Maskning kapitali 22-noyabr holatiga ko‘ra jurnalning milliarderlar reytingida 104,5 milliard dollarga baholangan. Tesla rahbari ro‘yxatda to‘rtinchi pog‘onaga ko‘tarilgan. Avvalroq uning ushbu reytingda Facebook asoschisi Mark Sukerbergdan (99,1 milliard dollar) o‘zib ketgani xabar qilingandi.

Forbes reytingini Amazon asoschisi Jeff Bezos boshqarmoqda, uning boyiligi 181,4 milliard dollarga baholangan. Ikkinchi o‘rinda umumiy boyligi 140,5 milliard dollarga teng bo‘lgan milliarder, Louis Vuitton Moët Hennessy rahbari Bernar Arno bormoqda. Microsoft asoschisi Bill Geyts esa 118,6 milliard dollar bilan uchlikni yakunlab bergan.

Mask Bloomberg’ning real vaqt rejimida yangilanib turuvchi milliarderlar reytingida uchinchi o‘ringa chiqqan. Agentlik hisob-kitoblariga ko‘ra uning boyligi 121 milliard dollarga yetgan. Ushbu reytingni ham Bezos (183 milliard dollar) boshqarmoqda, ikkinchi o‘rinda Bill Geyts (128 milliard dollar) joylashgan. To‘rtinchi pog‘onada 105 milliardlik boylikka ega Arno, 5-o‘rinda esa 102 milliard dollari bilan Sukerberg qayd etilgan.

Maskning boyligi Tesla aksiyalarining narxi o‘sgani tufayli ortib ketgan. Aksiyalar narxi ko‘tarilishiga kompaniyaning yil oxirigacha S&P indeksiga kirishi haqidagi xabarlar sabab bo‘lgan. Forbes’ning yozishicha, bir haftada kompaniya aksiyalarining qiymati 20 foizga o‘sgan. S&P 500 va Dow Jones indekslari mos ravishda 0,8 va 0,7 foizga pastlagan.

Eslatib o‘tamiz, Ilon Mask Tesla aksiyalarining 21 foiz qismiga egalik qiladi.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi