2020 йил бошидан бери Ўзбекистон Қозоғистондан 67 миллион АҚШ долларлик миқдорда 3,1 минг дона автомобиль сотиб олди ва энг йирик импортчига айланди. Бу кўрсаткич 2019 йилга нисбатан 1872 фоизга кўпроқ, дея хабар берган Қозоғистон автобизнеси ассоциацияси маълумотларига асосланиб «Lsm.kz» нашри.
Автомобиль импорт қилиш бўйича Ўзбекистондан кейинги ўринларни Россия — 2,8 минг автомобиль (64 фоизга кўп), Қирғизистон — 59 та машина (228 фоизга кўп), Беларусь — 55 та машина (129 фоизга кўп) эгаллаган.
Қозоғистон автомобиллари экспорти умумий миқдорининг 67 миллион долларини (2019 йилдагидан 2518 фоизга кўп) Ўзбекистон ташкил қилган.
Россияда бу кўрсаткич 26 миллион долларга (61,8 фоизга кўп), Беларусда 527 минг долларга (30 фоизга кўп), Қирғизистонда 506 минг долларга (234 фоизга кўп) тенг бўлган.
Нашрда қайд этилишича, 10 ойлик темпга кўра 2020 йил охиригача Қозоғистондан хориж давлатларига 7 мингтадан зиёд автомобиль экспорт қилиниши мумкин.
Изоҳ (0)