Давлат статистика қўмитаси ахборот хизмати эълон қилган маълумотларга кўра, Ўзбекистон 2020 йилнинг 9 ойида хориждан қиймати 50,6 миллион АҚШ долларига тенг 2,4 миллион дона автомобиль шинасини сотиб олган.
Қайд этилишича, бу кўрсаткич 2019 йилнинг мос даври билан солиштирганда 320,2 минг донага ёки 8,6 миллион долларга кам.
Ўзбекистонга енгил автомобиль шинаси, асосан, Хитойдан олиб кирилган ва уларнинг умумий қиймати 34,4 миллион долларни ташкил қилган.
2020 йилнинг ортда қолган 9 ойи давомида Ўзбекистон енгил автомобиль шинасини Хитой (34,8 миллион доллар), Чехия (8,7 миллион доллар), Жанубий Корея (5,3 миллион доллар), Россия (1,0 миллион доллар) ва Туркия (500 минг доллар) каби давлатлардан импорт қилган.2020 йилнинг 9 ойида енгил автомобиль шинаси импорти, асосан, Андижон вилояти (36,9 миллион доллар), Тошкент шаҳри (7,3 миллион доллар) ҳамда Самарқанд вилояти (4,4 миллион доллар) ҳиссасига тўғри келган.
Изоҳ (0)