«Арсенал» ҳимоячиси Давид Луис лондонликлар машғулотлари пайтида жамоадоши Даниэль Себальосга қўл кўтарди, дея хабар қилмоқда The Athletic.
Терма жамоа йиғинига чақирилмаган футболчилар иштирокидаги машғулот жанжал билан якунланди. Машғулот жараёнидаги тўқнашувдан кейин Луис қизишиб кетган ва Себальоснинг бурнига зарба берган. Натижада ярим ҳимоячи майдонга қулаган, унинг бурнидан қон оқа бошлаган.
Себальос ўрнидан туриб жавоб қайтаришга уринган, бироқ шериклари уларни ажратиб қолган. Икки футболчи ҳам уйига жўнатиб юборилган.
Бироз вақт ўтиб испаниялик футболчи бу хабарга муносабат билдирар экан, уни ёлғон деб атади.
Луис жорий мавсум 8 ўйинда иштирок этиб, битта гол урди. Себальос эса 11 та учрашувда қатнашди.
«Арсенал» Премьер Лига доирасидаги кейинги ўйинини 22 ноябрда «Лидс»га қарши ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)