Давлат активларини бошқариш агентлиги Тошкент шаҳридаги «Миллий» стадионига (собиқ «Бунёдкор») қарашли бинолар офис сифатида ижарага беришни бошлади. Бу ҳақда E-аукцион маълумотларига таяниб, Spot хабар қилган.
Лотлар VIP хоналар эканлиги тахмин қилинмоқда, ушбу хоналарда ўқув курслари ташкиллаштирилиши мумкин, дейилади агентлик эълонида. Хоналарнинг майдони 25-30 квадрат метрни ташкил қилади ва бир йилга 12-13 миллион сўм нархда бўлиши тахмин қилинмоқда.
Эслатиб ўтамиз, «Миллий» стадиони 2012 йилда очилган ва 2018 йилга қадар унинг номи «Бунёдкор» эди. Охирги йилларда стадионда қарздорлик муаммолари кузатилган, шу сабабли электр таъминоти, газ ва сувнинг вақтинча узиб қўйилиши каби ҳолатлар тез-тез содир бўлган.
2018 йил ноябрь ойида ПФЛ ташкилоти «Миллий» стадионга кўчиб ўтган ва у ерга ижара шартномаси асосида жойлашганди.
Изоҳ (0)