«Бозорни эгаллаши мумкин». Эксперт «ВКонтакте»нинг Ўзбекистондаги истиқболлари ҳақида

«Яндекс»нинг Ўзбекистондаги минтақавий директори сифатида бир неча йил ишлаган, ҳозирда «Ситимобил» бизнесини ривожлантириш бўйича директори Евгений Лукьянчиков «ВКонтакте» ижтимоий тармоғининг Ўзбекистондаги истиқболларига оид фикрлари билан бўлишди, деб хабар беради Spot.

Аввалроқ «ВКонтакте» ижтимоий тармоғи Ўзбекистондаги вакили учун бўш иш ўрнини очгани, улар платформани маъно ва маҳсулот жиҳатидан маҳаллийлаштирадиган мутахассисни қидираётгани тўғрисида хабар берилганди.

Лукянчиковнинг таъкидлашича, Ўзбекистонда 20 миллион интернет фойдаланувчи Telegram’га «қамалиб» қолган ва у ерда ривожланиш имкониятлари муваффақиятсиз давом этмоқда.

«Ҳа, бугунги кунда Ўзбекистонда ушбу йўналиш у қадар ривожланмаган, бироқ мен бунинг фақат пилус тарафларини кўряпман — мослашиш эмас, яратиш имконияти. Агар ‘ВКонтакте’га фақат ижтимоий тармоқ сифатида қаралмаса, аудитория — мамлакат ичидаги бутун аудитория.

Менимча, ҳозирда платформа компаниянинг ушбу бозорга қизиқиши камлиги сабаб мамлакатда у қадар машҳур эмас. Таъкидлаш керакки, Facebook, Instagram ва бошқа кўплаб глобал ҳамда локал иштирокчилари етакчиликка эришиш истагидан анча узоқда (Telegram истисно)», — дейди эскперт.

Евгений Лукянчиков таваккал қилиб, «ВКонтакте» жамоасига ҳозирда рекламалар монетизацияси асосида яратилган бизнес-моделни ўйлаб топишни тавсия қилади. Буни у Ўзбекистондаги digital-реклама бозори жуда камлиги (йилига 10-12 миллион доллар), э-cоммерcе ривожланмагани (йўқлиги) билан изоҳлаган.

«Яқин йиллар ичида компаниялар реклама бозорида ҳеч нарса йўқотмаслигини тушунамиз ва қабул қиламиз, шу сабабли реклама ва махсус лойиҳаларни ҳамкорлик ҳамда майдончадаги эксклюзив контент учун сахийларча тарқатиб, аудиторияни жалб қиляпмиз.

Масалан, ‘Zor TV’да трансляция қилинган VK Fest концертлари, оффлайн/онлайн тадбирларга ҳамкорлик, маҳаллий блогерлар ва ҳамжамиятлар учун қизиқарли шароитлар, Ўзбекистон учун бутун МДҲдаги етакчи ва кўп сонли жалб қилиш воситалари орқали контент яратиш», — дейди Лукьянчиков.

Унинг сўзларига кўра, «ВКонтакте»да аудиториянинг пайдо бўлиши билан маҳаллий, ўзига хос жиҳатларга эътибор қаратиш керак бўлган камида бир нечта жиҳатлар бор — улар миниапплар платформаси, E-Commerce платформаси ҳамда VK Pay.

Бундан ташқари, экспертнинг айтишича, Ўзбекистон бозори AliExpress учун — black box ва улар «ВКонтакте» орқали 33 миллионли янги аудитория очилишидан хурсанд бўлади.

Аввалроқ Forbes Uzbekistan ўз фаолиятини тўхтатгани, унинг сайти ва унинг ижтимоий тармоқлардаги аккаунтлари август охирларида янгиланишдан тўхтагани, сентябрда эса штат тарқатиб юборилгани тўғрисида хабар берилганди.