Hyperloop — вакуум поезд бўлиб, унинг ишлаш принципи ҳавосиз муҳитдаги туннелда магнит левитация ҳисобига ҳаракатланадиган капсуладан иборат. Поезд шовқинсиз ҳаракатланади ва тезлиги бўйича замонавий тезликлардан икки баробарга ортиқ, деб хабар беради Hi-Tech.Mail.ru.
Футуристик транспорт механизмини синовдан ўтказиш учун бир нечта полигонлар мавжуд. Улардан бири Жанубий Кореяда жойлашган бўлиб, у ерда вакуум поездларни Korail (Корея темир йўллари илмий-тадқиқот институти) тажрибадан ўтказади.
Сўнгги синовларнинг бирида капсула соатига 1019 километрга қадар эришган. Яна озгина ҳаракат қилганида вакуум поезд товуш тезлигига эришган бўларди — 1193 км/соат. Бунга қадар Жанубий Кореядаги синовлар натижаси 714 км/соатдан ошмаган.
Американинг Hyperloop ТТ компанияси бош директори Дирк Альборннинг сўзларига кўра, Жанубий Корея вакуум поездлар тармоғини ишга туширадиган дунёдаги биринчи мамлакатга айланиши мумкин. Бу 2024 йилда содир бўлади.
Яқинда яна бир бошқа полигонда — Лас-Вегас яқинидаги DevLoop’да икки киши иштирокида синовлар ўтказилди: Virgin Hyperloop техник директори Жош Гигел ва мижозлар билан ишлаш бўйича директори Сара Лучиан. Капсула соатига 160 километр тезликка эришган.
Эслатиб ўтамиз, 2017 йилда биринчи Hyperloop қувурининг қурилиши 2020 йилда бошланиши ва 50—60 километр узоқликдаги манзилга бориш беш долларга тушиши маълум бўлганди. 2018 йилда эса Hyperloop Transportation ўзининг биринчи тижорий қурилмасини БААда қуриши тўғрисида хабар берилганди.
Изоҳ (0)