Самарқанд вилоятининг Тойлоқ туманида катта тезликда ҳаракатланиб келган Nexia ҳайдовчиси айланма йўлга келганда рул бошқарувини йўқотган ва ЙТҲ содир бўлган. Бу ҳақда «Дарё»га вилоят ИИБ ахборот хизмати маълум қилди.
Маълум бўлишича, воқеа 2020 йилнинг 14 ноябрь куни соат тонги 05:30 да Тойлоқ туманидан ўтувчи А-377 халқаро аҳамиятга эга Самарқанд—Айний автомобиль йўлининг тўққизинчи километрида содир бўлган.
Самарқанд шаҳридан Ургутга қараб ҳаракатланиб келаётган оқ рангли Nexia ҳайдовчиси Тойлоқ туманидаги йўлнинг айланма ҳаракатланувчи қисмига келганда юқори тезликда бўлгани боис рул бошқарувини йўқотган. Оқибатида автомобиль бетон тўсиққа урилиб, йўл-транспорт ҳодисаси содир бўлган. Натижада ҳайдовчи ва йўловчи олган тан жароҳатлари туфайли туман тиббиёт бирлашмасига ётқизилган. Шифокорлар томонидан кўрсатилган муолажаларга қарамасдан, автомашина ҳайдовчиси вафот этган.
Изоҳ (0)