Yunusobodda mast haydovchining boshqaruvidagi Lacetti beton to‘siqqa urilib, tiklab bo‘lmas holatga keldi
Toshkent shahri Yunusobod tumanida mast haydovchi boshqaruvidagi Lacetti boshqaruvni yo‘qotib yo‘l-transport hodisasi sodir qildi, deya xabar bermoqda shahar IIBB.
Ma’lum qilinishicha, 10-noyabr taxminan soat 05:00 larda Ahmad Donish va Yunusota ko‘chalari kesishmasida Qashqadaryo viloyatida istiqomat qiluvchi 29 yoshli X.Shuhrat davlat raqami 01 J 460 YA bo‘lgan Lacetti avtomobilini mast holatda boshqarayotib, boshqaruvni yo‘qotgan va beton to‘siqqa urilgan.
YTH oqibatida avtomobil haydovchisi va Farg‘ona viloyatida istiqomat qiluvchi 19 yoshli yo‘lovchi B.Muhammadsodiq tan jarohatlari olib, tibbiy muassasaga yotqizilgan.
Hozirda tergovga qadar tekshiruv harakatlari olib borilmoqda.
Avvalroq Qoraqalpog‘istonda Cobalt hamda Nexia-3 to‘qnashuvi oqibatida bir kishi halok bo‘lgani, Navoiyda mast haydovchi boshqaruvidagi Nexia piyodani urib ketgani hamda Toshkentda uchta Malibu to‘qnashgani haqida xabar qilingandi.
