Тошкентда 25 ёшли йигит ўзини осиб қўйди. У ўлимида ҳеч кимнинг айби йўқлиги ҳақида хат қолдирган

Тошкентнинг Яшнобод туманида 25 ёшли йигитнинг иситиш қувурига осилган ҳолдаги жасади топилди. Бу ҳақда Бош прокуратура матбуот хизмати маълум қилди.

Маълумотларга кўра, 13 ноябрь соат 07:30 ларда Оҳанграбо кўчасида жойлашган ўқув биносининг орқа томонидаги иситиш қувурига 1995 йилда туғилган И.Р. ўзини осган.

Ҳодиса жойига Яшнобод прокурори ўринбосари Х.Раҳматуллаев, Чилонзор прокуратураси катта терговчиси А.Давкараев ҳамда туман ИИО ФМБ тезкор-тергов гуруҳи аъзолари чиққан.

Суд-тиббий экпертизасининг дастлабки маълумотномасида ўлим сабаби сифатида бўйин аъзоларининг сиртмоққа осилиши оқибатида келиб чиққан механик асфиксия кўрсатилган.

И.Р.нинг шими чўнтагидан у ўзини осишига ҳеч ким айбдор эмаслигини таъкидланган, компьютерда ёзилган хат чиққан.

Эслатиб ўтамиз, 2018 йилда Тошкент вилоятида бир кунда 5 киши ўзини осган, улардан 3 нафари ҳаётдан кўз юмгани, 2019 йилда Қашқадарёда 22 ёшли талаба қиз ўз уйида осилган ҳолда топилгани ҳақида хабар берилганди.