Ижтимоий тармоқларда кенг муҳокамага сабаб бўлаётган «Ғафур Ғулом номидаги маданият ва истироҳат боғи ҳудуди бузилиб, ўрнига турар жой мажмуаси қурилмоқда», деган мазмундаги хабар тарқалди. Маданият вазирлиги тарқалган хабар юзасидан расмий изоҳ берди.
«Шуни маълум қиламизки, бу асоссиз хабар. Яъни чиндан ҳам боғ ҳудудида иш жараёни бошланган. Аммо турар жой мажмуалари қурилмаяпти, аксинча, боғда енгил конструкцияли иншоотларни бузиш (демонтаж) ишлари олиб борилмоқда.
Ишлаб чиқилган янги лойиҳага кўра, боғ ҳудудида турар жой иншоотлари қурилмайди.
Шунингдек, объект ҳудудидаги техник жиҳатдан эскирган аттракцион ҳамда ўйин қурилмаларини олиб чиқиш бўйича барча тадбиркорлар огоҳлантирилган ва ушбу талабга улар томонидан эътироз билдирилмаган», – дейилади вазирлик хабарида.
Таъкидланишича, олиб борилаётган реконструкция жараёнида боғ ҳудудидаги сув ҳавзаси, дарахтлар ва бошқа ўсимликларга зиён етмаган, улар доимий равишда парвариш қилинмоқда.
Аввалроқ Ғафур Ғулом паркини ижарага олган Сингапур компаниясининг таъсисчиси Ўзбекистон фуқароси экани маълум бўлган эди.
Мавзуга доир:
- Намангандаги «Афсоналар водийси» истироҳат боғида бир вақтнинг ўзида 15 минг киши ибодат қила оладиган масжид қурилмоқда (фото)
- Ғафур Ғулом боғи ўрнида янги турар жойлар ва бизнес марказ қурилиши инкор қилинди
- Тошкентда қурилаётган Magic Cитй замонавий истироҳат боғи қандай кўринишда бўлади? (видео)
Изоҳ (0)